ملفنا ترقد

لا(ك.د.ش)لا(ف.د.ش)
كلهم صحاب الباشا
وديزين على فول القايد
كلهم حالهم تمشى
اللي تغدا زاد تعشى
واحناياكلاتنا لغدايد
قال لينا الهبهابي
ضربو كلشي لحسابي
راني خواض نقابي
كنعرف"عمرو"ونعرف"زايد"
وقال لينا ولد رقية
ها انتما ...ها النرقية
اربع سنين اشنو هي
وتقولو " عايد اخويا عايد "
وليوم جاونا بحديث
شمينا منو ريحة السليت
من النضال ل " تناكفيت "
الله يرحم ذاك الشهيد
اما صحاب الحداثة
طلبوا الشتابلا " تا .. تا .. تا "
تاغنجة بالفورشيتا
وبقات شحفانة لحصايد
وبين هاذو وهاذوك
متقون الدور ومحبوك
ملفنا يبقى متروك
نكبوا عليه الماء الباريد
وبين هاذوك وهاذو
ملفنا تم ترقادو
ساكو بلا عرف وزادو
حتى كثرو بينا لكسايد

هذا تقدير خاص من رئيس المنتدى .بارك الله فيك...